Прыроднае асяроддзе (Природная среда)

[admin]

Скаўтынг

Скаўтынг як выхаваўча-адукацыйны лад жыццядзейнасці ў значнай ступені арыентуе моладзь школьнага узросту на самаразвіваючую працу ў вольны ад абавязкавай агульнасацыяльнай дзейнасці час на прыродным асяроддзі ландшафтаў. Па гэтай прычыне вопытныя скаўт-лідэры значную частку часу канікулярных адпачынкаў праводзяць са сваімі выхаванцамі ў часовых летніках і шматдзённых падарожжах. Сярод задач, якія заўсёды плануюцца кіраўнікамі на час такіх мерапрыемстваў, значная ўвага надаецца ўмацаванню і паляпшанню здароўя сваіх падапечных.

Таму для паспяховага вырашэння гэтых задач у час падрыхтоўкі да непасрэднага выхада на мясцовасць са скаўтамі праводзяцца тэарэтычныя заняткі аб карысці для розных узроўняў іх аздараўлення канкрэтных відаў раслін, мінеральных субстратаў ладшафтаў, ляснога паветра і інш. У гэты час мэтазгодна пазнаёміць слухачоў з дайшоўшымі да нас ведамі старажытных друідаў, паводле якіх лясы лічыліся самымі высокаякаснымі цэнтрамі канцэнтрацыі усіх формаў жыцця.

Паводле ведаў, незапашаных друідамі, ужо ў першых стагоддзях нашай эры для лекаў людзей у пераважнай большасці выпадкаў выкарыстоўвалісь толькі раслінныя і мінеральныя сродкі, якія далучаліся да такіх прыродных аздараўленчых сродкаў, як сонца, паветра, вада. Менавіта друіды адкрылі энергетычныя сувязі паміж асобнымі відамі прадстаўнікоў вышэйшай расліннасці і групоўкамі людзей, якія жылі ў межах лясной зоны Зямлі, на падставе чаго імі быў створаны ўнікальны, што не мае аналагаў да нашага часу, гараскоп і астралагічны каляндар, з дапамогай якіх яны маглі вызначаць асабістыя асаблівасці і будучыню кожнага чалавека.

Менавіта друідамі былі створаныя асновы сучасных фітатэрапіі і гомепатыі, а таксама тыя веды і навыкі, якія выкарыстоўваюцца у наш час народнымі лекарамі ( “ дзядамі-ведунамі” і “ бабкамі-ведуннямі” ). На падставе ведаў, назапашаных друідамі, людзі сёння ведаюць аб дрэвах-донарах ( бяроза, дуб, вербіна і інш.) і дрэвах-сарбентах ( альха, асіна, елка і інш.), касмічнай энергіі, аб спосабах кантактавання з імі і інш. Для людзей, якія лічаць неабходным жыць у гармоніі з прыродай, вельмі важным з‘яўляецца асэнсаванне і ўсведамленне таго, што кожная расліна ўяўляе сабой індывідуальную форму жыцця з уласцівымі толькі ёй біялагічнымі асаблівасцямі, якімі чалавек можа поўнаякасна карыстацца без значнага яе пашкоджання ці знішчэння. На базе гэтых ведаў больш свядома моладдзю ўспрымаецца неадкладная неабходнасць захавання і аховы непашкоджаннага прыроднага асяроддзя як адзінага спосаба выжывання чалавецтва.

[admin]

Імя Янкі Купалы

На падставе вопыта працы, незапашанага ў звязах Харугвы скаўтаў Мінскай вобласці імя Янкі Купалы, можна лічыць мэтазгодным пачынаць навучанне моладзі прасцейшым спосабам індывідуальнай ачысткі арганізмаў ад шлакаў і адмоўных, правакуючых захворванні энергій, незапашавання недастаючай арганізму касмічнай энергіі і лекаванне ўжо набытых хвароб з дапамогай расліннасці ландшафтаў ужо са скаўцкага ўзроўню “ ваўчкоў” і “ вавёрак”. Паколькі працэс засваення гэтай плыні ведаў, атрымання практычных навыкаў і выпрацоўкі уменняў у дзяцей не аднолькавы па хуткасці, гэты раздзел навучання ва ўмовах прыроднага наваколля павінен быць працяглым па часе і ажыццяўляцца традыцыйным для скаўтынга гульнёвым спосабам: у формах віктарын, розных інтэлектуальных спаборніцтваў, рухавых гульняў і інш.

[admin]

Хлопчыка

Адначасова з гэтым пажадана ажыццяўляць абучэнне дзяўчынак і хлопчыкаў лекавым і аздараўленчым уласцівасцям такіх кампанентаў мінеральнага субстрата ладшафтаў, як кварцавы пясок, гліны, балотныя і донныя азёрныя ўтварэнні, асобныя мінералы прынесеных ледавікамі горскіх парод і інш. Гэта таксама пашырае кругазор у дзяцей і юнацтва і фарміруе ў іх разуменне і асэнсаванне таго, што ўсе кампаненты зямных ландшафтаў пры валоданні неабходнымі ведамі, уменнямі і навыкамі з’яўляюцца жыццёва неабходнымі для поўнаякаснага жыцця людзей і таму патрабуюць іх рацыянальнага выкарыстання, пастаяннай аховы і па магчымасці аднаўлення.

Апрача разгледзеных аспектаў, поглыбленае вывучэнне прыродных асяроддзяў з’яўляецца базай для авалодання на наступных ступенях скаўцкага развіцця больш высокімі узроўнямі прыроднай і касмічнай энергій.